Íqlım ózgeriwin túsiniw júda quramalı bolmawı kerek

Biziń táriyxımız 2019-jılda Kembrij universitetiniń eki jas ilimpazları Erik hám Issi menen baslanadı, olar ıqlım ózgeriwinen qáweterde edi. Olar jaǵday jamanlasıp atırǵanlıǵın kórdi - Amazonda órtler háwij alıp atırǵanı, ektstemal ıssı tolqınlar pútkil Evropada sezilip atırǵanlıǵı hám suw tasqınları Hindistannıń úlken aymaqların wayran etkeni. Íqlım ózgeriwinen qáweterlengen dawıslar barǵan sayın kúsheyip bardı hám adamlar onı kóshelerge shıǵara basladı.

Tábiyiy mashqalalardi sheshiwshi retinde Erik hám Issi sheshimlerdi izlewge háreket qıldı. Olar Internette "Íqlım ózgeriwin qanday sheshiw kerek" dep jazdı, biraq bul olarǵa ıqlım qáweteri hám ekologiyalıq taza ónimler reklamasınan basqa hesh nárse bermedi.

Málim bolıwınsha, Erik hám Issi jalǵız emes edi - jaslardıń 95% ıqlım ózgeriwinen qáweterde hám 70% alǵan bilimine gúman menen qaraytuǵın edi.

Keyin bul olarǵa tiydi. Olar: "Eger biz ıqlım ózgeriwin sheshiwde adamlarǵa kúsh beretuǵın, birdey ilimiy standartlarǵa ámel etken halda, kishi ólshemdegi maǵlıwmatlardı jaratsaq ne boladı?'' dep oyladı.

Birgelikte olar ıqlım pánine tiyisli maqalalardı kórip shıǵıwdı hám olardı ClimateScience atı astında social media ushın qolay kontentke aylandırıwdı basladı. Eki qısqa aydan keyin ClimateScience ataqlı boldı hám Instagramda 40,000 jazılıwshıǵa iye boldı. Adamlar qanday járdem beriwlerin sorap, jeke xabarlardı jiberiwdi basladı. Mehriban hám qızıǵıwshılıqlı adamlar jámááti tezde ósip bardı, olardıń barlıǵı ıqlım tálimin hámme ushın túsinikli etiwge ózlerin arnaǵan edi.

Bir neshe jıl ótkennen keyin, ClimateScience dúnyadaǵı eń úlken ıqlım tálimi platformasına aylandı! Biz ıqlımdı túsiniw hám tálimdi jaqsılaw ushın oqıw kursları, videolar, resurslar hám qurallardı jaratamız. Bulardıń barlıǵı tolıq biypul hám qálegen qurılmada bir neshe ret basıw jetkilikli.

Íqlım boyınsha tálim jaqsılanıwı kerek bolǵan birden-bir zat emes, bálkim bizdiń bilimlendiriw sistemalarımız jaqsılanıwı kerek. Bizge qızıǵıwshılıq, kritikalıq pikirlew, izertlew hám úyreniwdi marapatlaytuǵın dúnya kerek. Adamlar óz intaların úyreniwi hám maqsetleri tárepke qollap-quwatlanatuǵın jer kerek.

Júzeki dárejedegi xabardarlıq sebepli biz ıqlım ózgeriwine qarsı gúresde insan máselelerdi sheshiw potencialınıń tek bir bólegin islettik. Qalǵanın isletkenimizde ne boladı? Eger biz kemirek qıynalıw hám kóbirek múmkinshiliklerge iye bolǵan dúnyanı jaratsaq ne boladı?

Sayaxat usı jerde baslanadı. Háreketke qosılıń!